ФИФА президенти Йозеф Блаттер ва УЕФА раҳбари Мишель Платини 8 йил муддатга футбол билан боғлиқ ҳар қандай фаолият туридан четлатилди. Қарор ФИФА этика қўмитаси томонидан қабул қилинган, деб ёзади uff.uz.
Унга кўра Блаттер ташкилотнинг аҳлоқ кодексларини бузгани, шахсий манфаат йўлида кимларгадир совға бергани айтилмоқда.
Блаттер ўз ишига масъулиятсизлик ҳамда камомадда айбланган эди. Шунингдек, ташкилот томонидан Платинига тегишли компания ҳисобига 2 миллион франк ўзказилгани ҳам шубҳа остига олинган. Бу маблағ гўёки Платинига тегишли компания 1998 йилдан то 2002 йилга қадар ФИФА ишларини бажаргани учун тўлангани айтилган эди.
