Tan olib aytish lozimki, Gollivudning aksariyat yulduzlari yillar o`tib, yuzlariga ajin tusha boshlashi bilan plastik jarrohlik yordamida o`zlarini yosh ko`rsatishga, boshqacha qilib aytganda, yosharishga harakat qilishadi.
Gollivud aktrisalaridan biri, “Titanik” filmidagi bosh qahramonlardan biri Rouz rolini ijro etgan Keyt Uinslet yaqinda ommaviy axborot vositalariga bergan intervyularidan birida, tashqi ko`rinishini, ayniqsa yuzini plastik jarrohlik yordamida o`zgartirishni istamasligi, qanday bo`lsa, shundayligicha qolishni istashini aytgandi.
“Men ommaviy axborot vositalaridan mening ajinlarimni tinch qo`yishlarini so`ragan bo`lardim. Nima ham qila olardik, yoshimizga yosh qo`shilgani sayin ajinlar paydo bo`ladi. Shunday ekan, ular qaerda paydo bo`lishi kerak bo`lsa, shu erda yuzaga chiqadi.” deydi aktrisa. Shu bilan birga u ommaviy axborot vositalari tomonidan doimiy ravishda muxokama qilinadigan ayollarning tashqi ko`rinishi haqida gapirar ekan, o`zining qomati haqida ham quyidagilarni aytdi: “Men boshqalar kabi oddiy ayolman. Boshqalardan farq qilmayman, o`z chiroyim, semizmi, oriqmi qomatim va meni shundayligimcha sevadigan insonim bor. Bu eng muximi!”
Keyt plastik jarrohlikning o`rniga yoshartiruvchi turli kremlardan foydalanishi, o`zi doimiy ravishda fodalanadigan mahsus yuz maskalari borligi haqida ham gapirib o`tgan.
Manba: spletnik.ru
