1-sinf o`quvchilarining fevralda qo`shimcha ta`tilga chiqishi maktablar ma`muriyati tomonidan belgilanadi. Bu haqda Toshkent shahar hokimligi xabar qildi.
Vazirlar Mahkamasining 2017 yil 15 martdagi 140-sonli qarori bilan tacdiqlangan Nizom talablariga ko`ra, umumiy o`rta ta`lim muassasalarida 1-sinf o`quvchilariga ko`shimcha ta`til berilishi lozim.
Xususan, 1-sinf o`quvchilari fevral oyi davomida qo`shimcha bir haftalik ta`tilga chiqishlari ko`zda tutilgan. Ta`til fevral oyining aynan qaysi kunlariga to`g`ri kelishi har bir maktab ma`muriyati tomonidan mustaqil ravishda belgilanadi.
