Hozirda dunyoda tarqalayotgan koronavirus epidemiyasidan ogohlik va ehtiyotkorlik o`ta muhim bo`lib turgan bir davr. Shunday paytda tibbiy niqoblar (maska) narxini asossiz oshirgan dorixonalar yopilishi ko`zda tutilmoqda. Bu haqda Monopoliyaga qarshi kurashish qo`mitasi huzuridagi Iste`molchilar huquqlarini himoya qilish agentligi xabar berdi.
Agentlik o`z vakolatlari doirasida dori vositalari va tibbiyot buyumlari uchun belgilangan ulgurji va chakana savdo ustamalariga rioya qilinishi ustidan nazoratni amalga oshiradi. Agarda narxlar o`zboshimchalik bilan oshirib olingan bo`lsa, dorixonaning lisenziyasi tugatiladi, deyiladi xabarda.
