2020 yil 12 yanvar kuni ijtimoiy tarmoqning “Avtobloger uz” saytiga YHXBga tegishli “LASETTI" rusumli 70 848 VSF davlat raqam belgili avtomashinasi temir yo`l kesishmasida qarama-qarshi turganligi holati aks etgan fotosurati joylashtirilgan. Unga aksariyat ijtimoiy tarmoq foydalanuvchilari "Uyat! hammaga o`rnak bo`lishning o`rniga..." kabi salbiy izohlar qoldirishgan. Ushbu holat yuzasidan Qashqadaryo viloyat IIB Axborot xizmati rasmiy munosabat bildirdi.
Ma`lum bo`lishicha, 2020 yil 12 yanvar kuni viloyat IIB YHXB YPXB 3-YPX otryadi komandiri tomonidan tasdiqlangan xizmat taqsimotiga asosan “Qarshi-Shahrisabz” yo`lining 0 km.dan 19 km.gacha bo`lgan masofasida jamoat tartibini saqlash, fuqarolar xavfsizligini ta`minlash, yo`l-transport hodisalarini oldini olish hamda qoidabuzar haydovchilarni aniqlash maqsadida shahar aylanma yo`lidan YPX inspektori serjant S.Nosirov xizmat joyiga ketayotganda, ertalab soat 08:20larda yo`l ustida “Qarshi-Nishon” yo`lining 1 km.da ya`ni, aeroportga kirish joyidagi temir yo`l kesishmasi yopilib qolganini va ikki nafar “Damas” avtomashinasi haydovchilari o`zaro temir yo`l kesishmasi oldida baqir-chaqir qilib fuqarolarning tinchini buzayotganligi uchun avtomashinani to`xtatib, ularning oldiga borgan. Shu vaqtda unga xizmat yuzasidan biriktirilgan “Lasetti” rusumli 70 848 VSF davlat raqam belgili avtomashina temir yo`l kesishmasi oldida qarama-qarshi holatda noto`g`ri to`xtatib qoldirilgan. Ushbu holat bo`yicha 2020 yil 12 yanvar kuni YPX inspektori serjant S.Nosirovga nisbatan UZ-19-seriyali 70-223522-raqamli ma`muriy bayonnoma rasmiylashtirilgan.
Mazkur holat yuzasidan viloyat IIB YHXB mas`ul xodimlari tomonidan xizmat tekshiruv o`tkazilmoqda. Yuqoridagi kabi YPX inspektorlarining majburiy yoki ixtiyoriy qoidabuzarligiga guvoh bo`lgan OAV vakillaridan fuqarolik burchini unutmagan holda jamiyatda qonun ustuvorligini ta`minlash maqsadida, avval holat bo`yicha Qashqadaryo viloyati IIB yoki boshqarma YHXB hamda Axborot xizmatida o`rnatilgan “Ishonch telefoni”ga xabar berilsa, maqsadga muvofiq bo`lardi.
Hamkorlik uchun oldindan minnatdorchilik bildiramiz.
