2019 yil davlat dasturi asosida poytaxtimizning Sergeli tumani 8 va 9 qurilish uchastkasida qurilgan ko`p qavatli uylarga biriktirilgan fuqarolarga uylari topshiriladi.
Bu haqda “O`zshahar qurilish invest” injiniring kompaniyasi matbuot xizmati quyidagilarni ma`lum qildi:
“Hurmatli fuqarolar joriy yilning 28 dekabr kunidan boshlab 2019 yil davlat dasturi asosida ushbu hududlarda barpo etilgan ko`p qavatli turarjoylarning kalitlari belgilangan tartib bo`yicha o`z egalariga bosqichma-bosqich topshirilishi rejalashtirilmoqda.
Tuman hokimliklari tomonidan biriktirilgan honadonni o`z nomiga notarial rasmiylashtirgan va “O`zshahar qurilish invest” injiniring kompaniyasi qurilish shtabiga “Notarial oldi-sotdi shartnomasi” hamda “Kadastr guvohnomasi” nushalarini taqdim etgan fuqarolar ushbu sanadan boshlab o`z xonadoningizni qabul qilib olishingiz mumkin!”
