Saylov jarayonini boshqarish axborot tizimini to`laqonli ishlashini ta`minlash maqsadida shakllantirilgan saylovchilarning yagona elektron ro`yxatida saylov yoshidagi 20,5 mln.dan ortiq O`zbekiston Respublikasi fuqarolar kiritildi. Bu haqda bugun Xalqaro matbuot markazida bo`lib o`tgan matbuot anjumanida O`zbekiston axborot texnologiyalari va kommunikasiyalarini rivojlantirish vaziri Shuxrat Sadikov ma`lum qildi.
Vazirning qayd etishicha, mazkur axborot tizimda jami 6 720 ta Oliy Majlis, viloyat va tuman (shahar) saylov okruglari, 10 260 ta saylov uchastkalari hamda 170 313 ta uchastka saylov komissiyalarining a`zolari to`g`risidagi to`liq ma`lumotlar jamlangan.
