Sirdaryo viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo`limi xodimlari Davlat xavfsizligi xizmati vakillari bilan hamkorlikda o`tkazgan navbatdagi tezkor tadbir davomida shu kabi qing`irliklar fosh etildi. Bu haqda Davlat bojxona qo`mitasi axborot xizmati xabar bermoqda
Jumladan, fuqaro Q.U. boshqaruvida bo`lgan “Neksiya” rusumli avtomashina to`xtatilib, belgilangan tartibda nazoratdan o`tkazildi.
Natijada, avtomashinada umumiy qiymati 23 million so`mlik sifati kafolatlanmagan oziq ovqat mahsulotlari borligi aniqlandi.
Shuningdek, tezkor tadbir davom ettirilib, fuqaro U.R. boshqaruvidagi “Damas” rusumli avtomashina ham to`xtatildi va belgilangan tartibda nazoratdan o`tkazildi.
Tekshiruv jarayonida ushbu avtomashinada ham tegishli hujjatlari bo`lmagan 23 million so`mlik tovar moddiy boyliklar borligi aniqlandi.
Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda.
