O`zbekiston Milliy axborot agentligi jamoatchilik fikrini o`rganish maqsadida joriy 2019 yilda ommaviy axborot vositalarida eng faol yoritilgan, tizim faoliyatida ochiqlik va shaffoflikni namoyon etgan, xalq bilan ishlashda samarali natijalarga erishgan davlat va xo`jalik boshqaruvi organlari, jamoat tashkilotlari o`rtasida tanlov e`lon qildi.
Tanlov ijtimoiy so`rov asosida «Eng namunali hudud», «Eng namunali vazirlik», «Eng namunali davlat va jamoat tashkiloti» kabi nominasiyalar bo`yicha saralanadi.
Kimlar qatnasha oladi?
Mazkur tanlovga ayni paytda OAV hamda ijtimoiy tarmoqlarda faoliyati keng yoritilayotgan, xalq kundalik turmushida eng ko`p duch keladigan tizimlar saralab olindi.
- Vazirliklar
- Qo`mita va agentliklar, jamoat tashkilotlari
- Qoraqalpog`iston Respublikasi, Toshkent shahri va viloyatlar
Tanlovda qanday ishtirok etish mumkin?
O`zbekiston Milliy axborot agentligining telegram messenjeridagi rasmiy kanali @uza_uz da e`lon qilingan ro`yxatda ko`rsatilgan tashkilotlarga ovoz beriladi.
Tanlov qanday o`tadi?
1-bosqich: Agentlikning ijtimoiy tarmoqlardagi sahifalari orqali eng ko`p ovoz to`plagan tashkilotlar ikkinchi bosqichga o`tadi.
2-bosqich: G`olib jurnalist va blogerlar o`rtasida o`tkaziladigan so`rovnomaga asosan aniqlanadi. Bundan tashqari so`rovnomaga kiritilmagan tizimlar ham jurnalist va blogerlar tomonidan alohida saralanib, tanlovning qo`shimcha nominasiyalariga tavsiya etiladi.
Natijalar qachon e`lon qilinadi?
G`oliblar Yangi yil arafasida eng munosib 3 ta tizimdan, ya`ni 3 ta birinchi o`rin, 3 ta ikkinchi o`rin, 3 ta uchinchi o`ringa maxsus sertifikat, O`zA ramziy statuetkasi va qimmatbaho sovg`alar bilan taqdirlanadi.
Taqdirlash marosimida g`oliblik tashkilotlarning Matbuot xizmati vakillariga topshiriladi.
