Shu yilning 10 dekabr kuni O`zbekiston Prezidenti Islom Karimov taklifi bilan Rossiya prezidenti Vladimir Putin O`zbekistonga rasmiy tashrif bilan keladi. Bu haqda uz24.uz nashri xabar beradi.
Yuqori darajadagi muzokaralar chog`ida Rossiya-O`zbekiston strategik sherikligining bosh masalalari, xususan, savdo-investisiyaviy va madaniy-gumanitar sohalardagi sheriklik masalalari muhokama qilinishi kutilmoqda.
Shuningdek, mintaqaviy xavfsizlikka oid dolzarb muammolar, shu jumladan, Afg`onistondagi vaziyat yuzasidan fikr almashinishi ko`zda tutilgan.
Muzokaralar yakunlari bo`yicha qator ikki tomonlama hujjatlar imzolanishi rejalashtirilgan.
