Endilikda boshqa idoralar bilan kelishib qabul qilingan idoraviy qonun hujjatlarga kiritilayotgan o`zgartirishlarni shu idoralarning barchasi bilan kelishish shart emas.
Adliya vazirining buyrug`i bilan Idoraviy normativ-huquqiy hujjatlarni tayyorlash va qabul qilish qoidalariga o`zgartirishlar kiritildi. Bu haqida "Huquqiy axborot" kanali ma`lum qildi.
Hujjatga muvofiq, idoraviy normativ-huquqiy hujjat loyihasini kelishish tartibi soddalashtirildi.
Xususan, endilikda boshqa idoralar bilan kelishib qabul qilingan idoraviy qonun hujjatlarga kiritilayotgan o`zgartirishlarni shu idoralarning barchasi bilan kelishish shart emas.
O`zgartirishlar kiritishda, hujjat qabul qilinishida kelishilgan idoralardan qaysi birining manfaatlariga (vakolatlariga) daxl qilsa, o`sha idoraning roziligi olinadi.
