Namangan viloyati bojxonachilari uyali aloqa vositalarini yurtimizga yashirincha olib kirish holatiga chek qo`yishdi.
Xususan, "Pop" chegara bojxona posti orqali qo`shni mamlakatdan respublikamizga kirib kelgan fuqaro A.E.ning xatti-harakatlari bojxonachilar e`tiborini tortdi.
Natijada, fuqaro G`.R.ning yuk sumkasida og`zaki so`rovda ma`lum qilinmagan va bojxona nazoratidan yashirin tarzda olib o`tilayotgan 225 dona "NOKIA" rusumli uyali qo`l telefonlari borligi aniqlandi.
Ushbu tovar moddiy boyliklarning umumiy qiymati qariyb 18 million so`mni tashkil etdi.
Hozirda mazkur holat yuzasidan bojxona tekshiruvlari davom ettirilmoqda.
