Filippinning Sulu viloyatidagi katolik cherkovida ketma-ket 2 ta portlash sodir etildi, deya xabar bermoqda Vesti nashri.
Hodisa natijasida kamida 20 kishi qurbon bo`lgan. Shuningdek, o`nlab odamlar yaralangan. Xabarlarga ko`ra, birinchi portlovchi qurilma cherkovga kirish joyida harakatga keltirilgan. Hududga etib kelgan polisiya odamlarga yordam ko`rsatayotgan vaqtida esa cherkov ichida ikkinchi portlash ro`y berdi. Qurbonlar orasida tinch aholi vakillari bilan birga harbiylar ham bo`lgan. Hozircha hech qaysi terrorchilik tashkiloti xunrezlik uchun javobgarlikni o`z zimmasiga olganicha yo`q.
