Xorazm viloyati Shovot tumanida dehqon bozorining tomi qulab tushdi, deb xabar qilmoqda Facebook‘dagi "Xorazm va Xorazmliklar" guruhi.
Guruh a`zolarining yozishicha, voqea 19 yanvar kuni yuz bergan. Bozorning tomi qulashiga ikki kun tinimsiz yoqqan qor va shamol sabab bo`lgan bo`lishi mumkin deb taxmin qilinmoqda.
Qoldirilgan izohlarda: "Bozorni tomi qulab tushganini qordan ko`rmasinlar, tom bosqidin qor yog`madi hali, rasmda ko`rinib turibdi, to`planib turgan qor yo`q", - degan fikrlar ham bor.
Ushbu hodisadan jabrlanganlar yoki qurbon bo`lganlar haqida ma`lumot yo`q.
Eslatib o`tamiz, O`zbekiston gidrometeorologiya markazi tomonidan ushbu haftada O`zbekistonda qor yog`ib kuchli sovuq bo`lishi haqida xabar berilgan edi.
