Portugaliya poytaxti Lissabondagi shifoxonalardan birida noodatiy o`g`irlik ro`y berdi, deb xabar qildi TASS nashri.
Gap shundaki, shaharning markaziy shifoxonasidan qimmatbaho tibbiy asbob-uskunalar o`g`irlangan. Gastreantologiya bo`limidan yo`qolgan endoskopiya asboblari xavfsizlik seyfidan olingan. O`g`irlangan tibbiy buyumlarning umumiy narxi esa 300 ming evroni tashkil qiladi. O`g`rilar esa o`zidan hech qanday iz qoldirmagan. Polisiyaning taxminicha, jinoyatchilar uskunalarni mamlakat tashqarisida sotishga urinishadi.
