UFC chempionligi kamari sohibi Habib Nurmagomedov va irlandiyalik Konor Makgregor o`rtasida bo`lib o`tishi kutilayotgan jang butun dunyo e`tiborini tortmoqda, deb xabar qilmoqda Sport.ru nashri.
Jang oldidan o`tkazilgan navbatdagi matbuot anjumanida Habib Nurmagomedov raqibining kechikayotgani va uni kutmasligini aytib anjumanni 15 daqiqa o`tib tark etgan. Matbuot anjumani davomida savollarga faqat Nurmagomedovning o`zi va UFC prezidenti Deyn Uayt javob bergan. Irlandiyalik esa rossiyalik jangchi ketgandan 10 daqiqa o`tib kelgan va tirbandliklar sababli kech qolganini aytgan.
