Moliya institutiga yangi rektor tayinlandi, deb xabar qilmoqda Oliy va o`rta maxsus ta`lim vazirligining matbuot xizmati.
"O`zbekiston Respublikasi Vazirlar Mahkamasining 2018 yil 3 sentyabrdagi qarori bilan Azizov Ulug`bek O`ktamovich Toshkent moliya instituti rektori lavozimiga tayinlandi", - deyilgan xabarda.
Ma`lumot uchun, Ulug`bek Azizov bunga qadar O`zbekiston Respublikasi Prezidenti davlat maslahatchisi o`rinbosari, davlat maslahatchisi vazifasini bajaruvchi kabi lavozimlarda faoliyat yuritgan.
