Buyuk Britaniyada dunyodagi eng kichik tungi klub yaratildi, deya xabar qilmoqda RIA Novosti nashri.
Kingsbrij shahrida ko`chadagi eski telefon qutisi dunyodagi eng mitti tungi klubga aylantiriladi. Oynavand telefon qutisi rangli chiroqlar bilan bezatildi. Britaniyaning telekom shirkati tomonidan yaratilgan tungi klub dunyo rekordini o`rnatish bilan birga foydalanishga yaroqsiz bo`lib qolgan telefon qutisini yana aholi orasida ommalashtirishga yordam beradi. Odamlar qo`ng`iroqni amalga oshirish bilan birga sho`x musiqaga raqs tushishlari ham mumkin.
– Ichkariga kirishingiz bilan kayfiyatingiz ko`tarilishi aniq. Telefonda suhbatlashish bilan birga maza qilib raqs tushishingiz mumkin. Bu juda ajoyib g`oya, – deydi o`tkinchilardan biri.
Britaniyada telefon qutilariga bo`lgan talab uyali aloqa vositalari paydo bo`lgandan so`ng keskin tushib ketgan. Mazkur yangilikdan so`ng esa odamlar undan foydalanish uchun navbat kutib turishibdi.
