Islom Karimov nomidagi “Toshkent” xalqaro aeroportida yo`lovchilardan biri tilla quymalarni yashirincha olib chiqishning navbatdagi qing`ir usulini “kashf” qildi.
Dehliga parvozi oldidan fuqaro N.Sh. bojxona chegarasidan yashil yo`lak orqali o`tadi. Lekin bu bilan u jismoniy shaxslar uchun joriy qilingan engilliklar va qulayliklarni suiiste`mol qilishga uringan ekan.
Poytaxt aeroportida xizmat olib boruvchi huquqni muhofaza qiluvchi boshqa idoralar bilan hamkorlikda ushbu shaxsning qing`ir qilmishi fosh etildi, deb xabar bermoqda bojxona qo`mitasining matbuot xizmati.
Qarang-ki, fuqaro N.Sh. bojxona xodimlarining ko`zini shamg`alat qilishga urinib, poyafzallarining ostki qismiga 79 gr. og`irlikdagi tilla quymalarni yashirgan ekan.
Shundan so`ng ushbu planshet xolislar ishtirokida ko`zdan kechirilganida, uning orasiga ham juda yupqa qilib ishlangan 215,8 gr. og`irlikdagi quyma tillalar yashirilganligi aniqlandi.
Hozirda ushbu holat yuzasidan bojxona tekshiruvlari olib borilmoqda.
