Fotoreportaj: Bunyodkor va Cho`ponota ko`chalari kesishmasidagi ko`prik iyunda foydalanishga topshiriladi
Poytaxtimizning Bunyodkor va Cho`ponota ko`chalari kesishmasida joylashgan mazkur mahobatli ko`prik “O`zbekiston temir yo`llari” aksiyadorlik jamiyatiga qarashli “Ko`prik qurilish tresti” unitar korxonasi mutaxassislari tomonidan qurilayapti.
Jamiyat matbuot xizmatidan olingan ma`lumotlarga ko`ra, yo`l o`tkazgichning umumiy uzunligi 667,5 metrni tashkil etadi. Estakada qismining uzunligi 488,5 metr bo`lib, balandligi 8, kengligi 24,5 metrni tashkil etadi. Yirik inshoot jami 21 ta ustun oralig`ida barpo etilmoqda. E`tiborlisi, bu erda piyodalar uchun ham qator qulayliklar yaratiladi. Xususan, umumiy uzunligi 124 metr bo`lgan ikkita piyodalar o`tish ko`prigi quriladi, shuningdek, yoshi keksa va nogironlar uchun maxsus lift hamda eskalator o`rnatiladi. Yangi bunyod etilayotgan yo`l o`tkazgichning yoritish tizimi ham jahon andozalariga mos ravishda bo`ladi. "Xalq so`zi" nashrining xabariga ko`ra, yangi ko`prik joriy yilning iyun oyida foydalanishga topshiriladi.
