S.Jo`raeva, Toshkent shahri
Nodira RASULOVA, shifokor-okulist:
– Davolovchi shifokoringiz tomonidan buyurilgan dori vositalarining homilaga ziyoni yo`q. Skleritning o`ziga keladigan bo`lsak, mazkur xastalik ko`zning sklerasi, ya`ni oq qismining yallig`lanishi bilan ifodalanadi. Davolash choralari qatorida antibakterial ko`z tomchilarini tomizish kerak. Kasallik rivojlanganida ko`zda qizarish, sarg`ayish, tomirlarning bo`rtibroq chiqishi kuzatiladi. Bu yallig`lanish jarayoni faollashganidan darak berishi mumkin. Shuningdek, yorug`likka qaraganingizda, ko`z yoshlanishi ham sklerit alomatlariga xos. Sizga tavsiyam, muolajani to`liq oling va turli xil noxush o`ylarga berilmang. Okulist ko`rigi bilan cheklanmay, revmatolog hamda immunolog mutaxassislar tekshiruvi ham foydadan xoli bo`lmaydi.
