O`g`il va qiz farzand ko`rish uchun nima qilish kerakligi ko`pchilik juftliklarni qiziqtiradi. Bu savolga aniq bir javob bo`lmasa-da, taxmin va ehtimollarga tayanib joriy qilingan bir qanchausullar mavjud. Masalan, xitoycha va yaponcha taqvim, rezus omil va qon guruhiga qarab hisoblash jadvali, ovulyasiya kuni bo`yicha homilador bo`lish kabilar...
Buni qarangki, tarixda, ya`ni 1935 yildan e`tiboran, olimlarni ayol tanovvul qiladigan taomlarning bo`lajak homilaga ta`siri masalasi qiziqtirgan ekan. Bu izlanishlar uzoq davom etgani rost. Zero, qariyb bir asrlik tajribalardan so`ng Fransiyaning San-Jak universiteti qoshidagi Akusherlik va ginekologiya klinikasi ayollar uchun maxsus parhezni e`lon qildi. Mazkur parhez tajribasida ishtirok etib, unga to`liq rioya qilgan ayollarning 75 foizi o`zi istagan natijaga erishgan.
O`g`illi bo`lishni istaganlar uchun parhez
Tavsiya etiladi:
- Choy, kofe
- Mevali sharbatlar
- Gazlangan mineral suv va boshqa gazlangan ichimliklar
- Barcha turdagi go`sht mahsulotlari (dudlangan, tuzlangan)
- Baliq va baliq go`shtidan tayyorlangan mahsulotlar
- Boshoqli o`simliklar, guruch va makaron mahsulotlari
- Barcha turdagi nonlar
- Sabzavotlar: kartoshka, qo`ziqorin, sabzi, sholg`om, bulg`or qalampiri va hokazolar.
- No`xat, soya, makkajo`xori, loviya.
- Barcha turdagi mevalar, ayniqsa, banan, o`rik, apelsin, shaftoli va olcha
- Quruq mevalar: turshak va mayiz
- Tarkibiga sut qo`shilmagan shirinliklar
- O`simlik yog`lari
- Zaytun mevasi
Tavsiya etilmaydi:
- Sut va sut mahsulotlari
- Tarkibida kalsiy miqdori ko`p bo`lgan mineral suv
- Pishloq va tuxum
- Muzqaymoq va kakao
Qizli bo`lishni orzu qilayotganlar uchun parhez
Tavsiya etiladi:
- Sut va sut mahsulotlari
- Olmali, olchali va ananasli sharbatlar
- Tarkibida kalsiy moddasi yuqori bo`lgan mineral suv
- Kuniga 120 grammdan mol, qo`y hamda tovuq go`shti. Shuningdek, jigar ham foydali. Imkon qadar tuzi past bo`lsin.
- Yogurt va tvorog
- Tuxum va undan tayyorlangan mahsulotlar
- Konditer mahsulotlari
- Guruch va makaron mahsulotlari
- Sabzavotlar: sabzi, sholg`om, piyoz, no`xat, rediska, bodring va salat bargi
- Achchiq ziravorlar
- Tarvuz, qulupnay, malina, nok va shaftoli
- Bodom, yong`oq va yong`oqning boshqa turlari
Tavsiya etilmaydi:
- Kofe, choy, qora shokolad, gazlangan ichimliklar
- Pashtet, kolbasa, dudlangan go`shtva baliq go`shti.
- Sho`r pishloqlar
- Selderey, lavlagi, karam, lavlagi, pomidor.
- Banan, shaftoli, o`rik, olcha, apelsin.
- Quruq mevalar
Parhezga asoslanib, farzand ko`rishni istayotgan ayollarni ogohlantirmoqchimiz. Bu parhezni homiladorlik yuz berguniga qadar, ya`ni taxminan 4-2 oy avvaldan boshlash lozim. Homiladorlikda esa parhezni to`xtatish talab qilinadi. Axir, ilk oylardayoq bolaning tanasi, asab tizimi, ichki a`zolari shakllana boshlaydi. Bu davrda onaning sifatli va tartibli ovqatlanishi homila to`g`ri rivojlanishiga zamin yaratadi.
Egizaklar uchun
Egizak farzandlarni dunyoga keltirishni istaganlar uchun, afsuski, parhez mavjud emas. Shu bois birdaniga ikki farzandli bo`lishni orzu qilishdan avval eringizning avlodida egizaklar bor yoki yo`qligi haqida bilib oling. Ilmiy nuqtai nazardan olib qaralganda, egizaklarpaydo bo`lishiga javob beradigan gen Y xromosoma bilan bog`langan bo`lib, bu xromosoma faqatgina erkaklarda bo`ladi. Agar sizning (ya`ni ayolning) egizak qarindoshlaringiz bo`lsa, imkoniyatlar juda kam foizni tashkil qiladi.
Dilnoza tayyorladi.
Manba: “SUG‘DIYONA” gazetasi
