Sizga quyida tavsiya qilinayotgan salat kechki taomga ajoyib sherik bo`la oladi. Uni tayyorlash juda oson.
Zarur masalliqlar: 150 gr. qaynatilgan tovuq go`shti, 1 katta bo`lak karam (250 gr.), 1 bosh piyoz, mayonez, ko`katlar, tuz, murch.
Tayyorlanishi: 1. Karam va qaynatilgan tovuq go`shtini somoncha shaklida to`g`rang. Piyozni esa halqa shaklida to`g`raysiz.
2. Masalliqlarga maydalangan ko`kat va mayonezni qo`shing. Tuz, murch sepib, yaxshilab aralashtirsangiz, salat tayyor.
Mazkur salat 2 kishiga mo`ljallangan bo`lib, u 15 daqiqada tayyor bo`ladi.
