Qirg`izistonnin “Bishkek-O`sh” avtomagistralida sodir bo`lgan katta yo`l-transport hodisasi oqibatida 8 kishi halok bo`ldi, 2 kishi tan jarohati oldi, deb xabar berdi Ria.ru nashri.
Ma`lumotlarga ko`ra, falokat tongda, Toshko`mir shahrida ro`y bergan. Dastlabki xabarga ko`ra, MAN yuk mashinasi ikkita engil avtomashina bilan to`qnashgan. “Bishkek-O`sh” avtotrassasining uzunligi 600 kilometrni tashkil etib, Qirg`izistonning shimoliy va janubiy hududlarini birlashtirib turuvchi yagona er usti koridori hisoblanadi. Mazkur yo`l dengiz sathidan uch kilometr balandlikda joylashgan bo`lab, u tog`dagi ilon izi yo`llardan tashkil topgan.
