Rossiyaning Irkutsk shahri aholisi 23 mart kuni soat 14:40 da shahar ustidan uchib o`tgan samoviy jismni tomosha qilishga muvaffaq bo`lishdi, deb xabar berdi Tvzvezda.ru nashri.
Bu haqda TASS mahalliy planetariy ijrochi direktori Pavel Nikiforovning xabariga ko`ra ma`lumot berdi.
Uning aytishicha, samoviy jism janubdan shimol tomonga 45 daraja burchak ostida katta tezlikda uchib o`tib, Erning yuzasiga etib kelmasdan 1-2 soniyada so`ngan. Mazkur holatni Irkutsk va Buryatiya respublikasi aholisi o`tgan yilning oktyabr oyida ham kuzatishgan edi. O`shanda Baykal ko`li ustidan uchib o`tgan yorqin yashil rangli meteorit Baykal bolidi nomini olgan edi.
