O`zbekiston Respublikasi Adliya vazirligi yangi sport federasiyasini ro`yxatdan o`tkazdi.
O`zbekiston zamonaviy beshkurash federasiyasi 2017 yil 10 fevral kuni davlat ro`yxatidan o`tkazildi.
O`zbekiston zamonaviy beshkurash federasiyasi matbuot xizmatining xabar berishicha, ushbu tashkilotning asosiy maqsadi zamonaviy beshkurash sportchilarining mahorat darajasini xalqaro darajaga ko`tarish va ushbu sportchilarga qo`shimcha bilim berish orqali ularning sportga bo`lgan qiziqishlarini oshirish hisoblanadi.
Shuningdek, tashkilot vazifalariga xalqaro sport maydonida mamlakat sharafini munosib himoya qilishga qodir bo`lgan O`zbekiston terma jamoalari uchun belgilangan tartibda tayyorgarlik jarayonlarini tashkil etishning eng yangi usullarini qo`llagan holda sport zaxirasi va yuqori mahoratli sportchilarni tayyorlash hamda boshqa vazifalar kiradi.
O`zbekiston zamonaviy beshkurash federasiyasi ta`sischilar umumiy yig`ilishida uning prezidenti etib Fazliev Farrux Faxriddinovich saylandi.
