Bugun, 26 mart kuni O‘zbekiston hududida, xususan Buxoro viloyatida zilzila sodir bo‘ldi.
Seysmoprognostik monitoring Respublika markazi ma’lumotiga ko‘ra, yer qimirlashi soat 04:24 da Peshku tumanida kuzatilgan. Zilzilaning magnitudasi 3,7 ni tashkil etgan bo‘lib, chuqurligi 15 km bo‘lgan. Epitsentr Toshkentdan 494 km janubiy-g‘arbda joylashgan.
Ma’lum qilinishicha, zilzila Peshku tumanida 3 ball kuch bilan sezilgan. Hozircha vayronagarchilik yoki jabrlanganlar haqida ma’lumot berilmagan.






