Davlat xavfsizlik xizmati Chegara qo‘shinlari harbiy xizmatchilari tomonidan Amudaryo orqali kontrabanda yo‘li bilan olib o‘tilayotgan yirik miqdordagi narkotik modda to‘xtatildi.
Aniqlanishicha, Afg‘onistonning Qunduz viloyatida yashovchi 1974 yilda tug‘ilgan shaxs davlat chegarasini noqonuniy kesib o‘tib, qayiqda daryodan suzib o‘tayotgan vaqtida qo‘lga olingan.
Uning yonidan 2 ta qop ichida 10 dona o‘ramga joylangan, umumiy og‘irligi 10 kg 354 gramm bo‘lgan gashish moddasi topilgan.
Mazkur holat yuzasidan jinoyat ishi qo‘zg‘atilib, tergov harakatlari olib borilmogda.






