Bugun, 22 sentyabr kuni Fransiya poytaxti Parij shahrida “France Football” nashrining 2025 yilgi “Oltin to‘p” taqdirlash marosimi bo‘lib o‘tadi. “Teatre du Chatelet”da erkaklar va ayollar futbolida dunyoning eng yaxshilari va yana bir qator nominatsiyalarda mukofotlar o‘z egalariga topshiriladi.
“Barselona”ning ispaniyalik iqtidorli va yosh futbolsichisi Lamin Yamal va PSJning fransiyalik hujumchisi Usmon Dembele erkaklar o‘rtasida “Oltin to‘p” mukofotiga asosiy da’vogarlar sifatida qaralmoqda. Mariona Kaldentey, Aleksiya Putelyas va Aytana Bonmati esa ayollar o‘rtasida “Oltin to‘p” sovrini uchun asosiy da’vogarlardan.
Shuningdek, erkaklar o‘rtasida umumiy nomzodlar:
Usmon Dembele (“PSJ”, Fransiya)
Janluiji Donnarumma (“Man Siti”, Italiya)
Jud Bellingem (“Real”, Angliya)
Dezire Due (“PSJ”, Fransiya)
Denzel Dumfris (“Inter”, Niderlandiya)
Seru Girassi (“Borussiya” Dortmund, Gvineya)
Erling Holand (“Manchester Siti”, Norvegiya)
Viktor Gyokeresh (“Arsenal”, Shvesiya)
Ashraf Hakimi (“PSJ”, Marokash)
Harri Keyn (“Bavariya”, Angliya)
Xvicha Kvarasxeliya (“PSJ”, Gruziya)
Robert Levandovski (“Barselona”, Polsha)
Aleksis Makallister (“Liverpul”, Argentina)
Lautaro Martines (“Inter”, Argentina)
Skott Maktominey (“Napoli”, Shotlandiya)
Kilian Mbappe (“Real”, Fransiya)
Nunu Mendesh (“PSJ”, Portugaliya)
Joau Nevesh (“PSJ”, Portugaliya)
Pedri (“Barselona”, Ispaniya)
Koul Palmer (“Chelsi”, Angliya)
Maykl Olise (“Bavariya”, Fransiya)
Rafinya (“Barselona”, Braziliya)
Deklan Rays (“Arsenal”, Angliya)
Fabian Ruis (“PSJ”, Ispaniya)
Virjil van Deyk (“Liverpul”, Niderlandiya)
Vinisius Junior (“Real”, Braziliya)
Muhammad Saloh (“Liverpul”, Misr)
Florian Virs (“Liverpul”, Germaniya)
Vitinya (“PSJ”, Portugaliya)
Lamin Yamal (“Barselona”, Ispaniya).
Joriy yildan birinchi marta ayollar o‘rtasida “Yilning eng yaxshi darvozaboni” uchun Lev Yashin mukofoti topshiriladi. Bu mukofot shu kunga qadar erkaklar o‘rtasida topshirilayotgan edi.
Marosimda bir qator nominatsiyalar o‘z egalarini topadi:
“Oltin to‘p” (erkaklar o‘rtasida);
“Oltin to‘p” (ayollar o‘rtasida);
Lev Yashin sovrini (erkak darvozabonlar uchun);
Lev Yashin sovrini (ayol darvozabonlar uchun — birinchi marta);
Raymon Kopa trofeyi (21 yoshgacha eng yaxshi erkak futbolchi);
Raymon Kopa trofeyi (21 yoshgacha eng yaxshi ayol futbolchi);
Yilning eng yaxshi murabbiyi (erkaklar jamoalari);
Yilning eng yaxshi murabbiyi (ayollar jamoalari);
Sokrates mukofoti (maydondan tashqari ijtimoiy faoliyat uchun).
Marosim Tashkent vaqti bilan 23:00 da boshlanadi.
