So‘nggi sakkiz yilda oliygohlar soni 77 tadan 202 tag, jami talabalar soni 250 mingdan 1,5 millionga yetdi. Bu haqda davlat rahbari matbuot xizmati xabar berdi.
Bildirilishicha, oliy ta’limda “o‘qishga kiritib qo‘yish” degan o‘ta salbiy illatga to‘liq barham berildi. Yoshlarga oliygohlarga kirishda tanlov imkoniyati oshirilgan.
Professor-o‘qituvchilarning oyligi salmoqli darajada oshib, oliygoh muallimi bo‘lish ko‘pchilikning orzusiga aylangan.
Keyingi paytlarda aniq va tabiiy fanlarga ko‘proq e’tibor qaratilmogda. Yaqinda “ToshTech”, Bauman universiteti filiali, Olmaliq davlat texnika institutini ochish boyicha qarorlar imzolandi. Xorazmda Al-Xorazmiy universitetiga tamal toshi qo‘yildi. Qolgan hududlarda ham uning filiallari bo‘ladi.
Mamlakatimizda yerosti boyliklarining ulkan zaxirasi mavjud. Ilgari neft-gaz sohasidagi qidiruv ishlari faqat 2,5-3 ming meter chuqurlikda olib borilardi. Bu yil sanoatimiz tarixida birinchi marta Ustyurtda 6,5 ming meter yer qar’ini burg‘ulab, juda katta gaz zaxirasi topilgan.
Yangi industrial davr – “to‘rtinchi sanoat inqilobi”ni amalga oshirish uchun dunyoda tellur, litiy, selen, grafit, molibden kabi texnologik minerallarga talab bir necha karra ko‘paymogda. Tahlillarga ko‘ra, dunyodagi volfram, molibden, rux va titan zaxiralarining 10-15 foizi mintaqamizga to‘g‘ri keladi.
“Ushbu ulkan resurslarni yuqori qo‘shilgan qimmatli mahsulotga aylantirish uchun bizga eng avvalo ilm, bilim va innovatsiya kerak”, — deydi Prezident.
