Bosh prokuratura huzuridagi Departamentning Andijon viloyati boshqarmasi, DXX va IIB xodimlari hamkorligida tezkor tadbir o‘tkazildi.
O‘tkazilgan tezkor tadbirda fuqaro N.A. fuqaro X.O.ga go‘yoki elektr tarmoqlari korxonasida ishlashini aytib, Oltinko‘l tumani, “Ayshaxonim” MFY hududidagi 9 ta xonadonning elektr ta’minotini yaxshilash uchun yuqori kuchlanishdagi transformator o‘rnatib, hujjatlarini rasmiylashtirib berishi evaziga 4 600 AQSH dollarini olgan vaqtida ashyoviy dalillar bilan ushlangan.
Hozirda holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
