“Gazeta.Ru” nashri 2016 yilda mashhur yulduzlarning eng shov-shuvli ajrimlarini e`lon qildi.
Matbuot tomonidan Bred Pitt va Anjelina Jolining ajrashuvi eng shov-shuvli ajrim bo`lib, ro`yxatda birinchi o`rinni egalladi. Ular hamon bolalarga kim vasiylik qilishi haqida bir qarorga kelolgani yo`q.
Ember Xerd va Jonni Deppning ajrashuvi ham OAVlar e`tiboridan chetda qolmadi. Erining zo`ravonligi tufayli ajrashishga qaror qilgan Ember Xerdning harakati katta janjalga sabab bo`ldi.
2016 yilda mustahkam oila bo`lib tuyulgan aktrisa Keyt Bekinseyl va rejissyor Len Uayzman, aktyorlar Naomi Uotts va Liv Shrayber, Dayan Kryuger va Joshua Jeksonlarning oilasi ham darz ketdi.
Xonanda Teylor Svift va aktyor Tom Xiddlstonlarning qisqa muddatli ishqiy munosabatlari haqida ham ko`plab maqolalar chop etildi. Ba`zi nashrlar buni shunchaki piar, deb izohladi.
Bu yil xonanda Ledi Gaga ham aktyor Teylor Kinn bilan ajrashdi. O`z navbatida aktrisa Dryu Berrimor ham turmush o`rtog`i Uill Kopelman bilan ajrashayotganligini ma`lum qildi.
Bundan tashqari, aktyor Tobi Maguayr rafiqasi Jennifer Meyer bilan, aktyorlar Jeyms Makevoy esa Enn-Mari Daff bilan ajrashdi.
Umuman olganda 2016 yil mashhurlarning “yulduzli” ajrashuvlar mavsumi bo`ldi.
