O`zbekiston Xalq demokratik partiyasidan O`zbekiston Respublikasi Prezidentligiga nomzod Xatamjon Ketmonovning Namangan viloyatidagi ishonchli vakili Dilorom Abduraximova Kosonsoy tumani saylovchilari bilan uchrashdi.
Kosonsoy tumanidagi 4-sonli Bolalar musiqa va san`at maktabi majlislar zalida bo`lib o`tgan uchrashuvda BPT raislari, «Istiqbol», «Faol ayollar» qanotlari faollari, targ`ibotchilar guruhi a`zolari, partiya xodimlari, mahalliy kengash deputatlari hamda OAV vakillari ishtirok etdi.
Ishonchli vakil yig`ilganlarni O`zbekiston Respublikasi Prezidentligiga nomzodning tarjimai holi hamda uning Saylovoldi dasturi bilan tanishtirdi.
Saylovoldi dasturi bo`yicha saylovchilar o`z fikr-mulohazalarini ishtirokchilar bilan o`rtoqlashdilar.
Shundan so`ng, saylovchilar nomzodning Saylovoldi dasturidan kelib chiqib, o`zlarini qiziqtirgan savollariga ishonchli vakildan tegishlicha javob oldilar.
