Prezident mahallalarda bir oy davomida ko`chat yarmarkalarini tashkil qilish va kuz mavsumida 30 million tup ko`chat etkazib berish kerakligini aytdi

Mutasaddilarga barcha tuman va mahallalarda bir oy davomida ko`chat yarmarkalarini tashkil qilish va kuz mavsumida 30 million tup ko`chat etkazib berish topshirildi. Bu haqda Prezident Matbuot xizmati xabar bermoqda.

Tayyorgarlik ishlari, ko`chat tarqatish, ekish jarayonlarini tumanma-tuman televidenie va radio orqali yoritib borish muhimligi qayd etildi.

Davlatimiz rahbari kuzgi mavsumida o`tgan yillardagi xatolarni takrorlamaslik shart ekaniga e`tibor qaratdi.

Jumladan, ko`chat ekishda manfaatdorlikni oshirish lozim. 

Bu boradagi vaziyatni o`zgartirish uchun endilikda avtomobil, temir yo`l, daryo, kanallar yoqalari aholi va tadbirkorlarga shartnoma bilan er toifasi o`zgartirmasdan bo`lib berilishi belgilandi.