15 iyul kuni Samarqand viloyatining Kattaqo`rg`on tumanida bir qiz to`rt erkak tomonidan zo`rlandi. Bu haqda Nemolchi.uz loyihasi xabar berdi.
Ma`lum qilinishicha, qiz o`sha kuni uyidan 300 metr uzoqlikda bo`lgan qarindoshinikiga borayotganida bir guruh mast odamlar tomonidan zo`rlangan. Mast qo`shnisi uning qo`lidan ushlab olgan va unga muqaddam sudlangan yana bir kishi qo`shilgan.
Qizni zo`rlik bilan uyga sudrab kirishgan, uch kishi uni kaltaklagan va zo`rlagan, qarshilik ko`rsatmaslik uchun unga pichoq bilan tahdid qilishgan. Keyin erkaklar tanishiga qo`ng`iroq qilib, uni zo`rlashga qo`shilishga taklif qilgan. Keyin qizni o`ldiraman deb qo`rqitib, yana kaltaklashgan va jim turishini aytishgan.
Shundan so`ng, qiz qonga belangan ko`ylagi bilan shok holatda qarindoshinikiga etib kelgan va tuman ichki ishlar xodimiga murojaat qilingan. Jabrlanuvchining qarindoshlari aytishicha, tuman IIB xodimi hafta oxiri bo`lgani uchun dushanba kuni kelishlarini aytgan. Dushanba kuni esa ekspertiza uchun yo`llanma bermagan. Shundan so`ng ular prokuraturaga borishga majbur bo`lgan, sud ekspertizasi esa shundan keyingina — 18 iyul kuni o`tkazilgan.
Ekspertiza natijalariga ko`ra, biomateriallarda bir nechta namunalar topilgan bo`lsa-da, ish faqat ilgari sudlangan bitta gumonlanuvchiga nisbatan qo`zg`atilgan.
Qizning qarindoshlari so`zlariga ko`ra, qolganlar bu ishga jalb qilinmagan. Aytilishicha, ularning ikki nafari Rossiyaga ishlash uchun ketib qolgan.
Nemolchi.uz loyihasi Bosh prokuraturaga ushbu ishni nazoratga olish hamda Samarqand viloyati IIB faoliyatini tekshirishni so`rab murojaat qildi.
