Qirg`iziston va Tojikiston o`rtasida ikki davlat o`rtasidagi barcha chegaraviy masalalarni hal qilish uchun asos bo`ladigan protokol imzolandi, dedi Qirg`iziston Respublikasi hukumat delegasiyasi rahbari Kamchibek Tashiev. Bu haqda "Sputnik Qirg`iziston" xabar qildi.
Uning mazmuni hozircha oshkor qilingani yo`q, biroq ushbu hujjat chegaradagi barcha kelishmovchiliklarni hal etishi ta`kidlandi.
“Ushbu bayonnoma kelishuv asosida imzolandi, bu bizga barcha chegaraviy muammolarni hal qilish uchun asos bo`lib xizmat qiladi. Xudo xohlasa, yaqinda barcha davlat chegaralarini belgilashni yakunlash bo`yicha yakuniy qaror qabul qilamiz. Bugungi kunda qabul qilingan barcha qarorlar mintaqada tinchlik, barqarorlik uchun asos bo`lmoqda, chegara va xalqlarimiz abadiy do`stlik va hamjihatlikda yashaydi”, — dedi u Botkenda 44-sonli bayonnomani imzolaganidan keyin.
Tojikiston delegasiyasi rahbari Saymo`min Yatimov mazkur hujjat ikki davlat prezidentlari vasiyatini amalga oshirish ekanligini ta`kidladi.
Protokol tomonlarning mashaqqatli mehnati natijasidir, deya qo`shimcha qildi u.
