Oktyabr oyining boshi O`zbekistonda quruq va issiq bo`ladi. Bu haqda Gidrometeorologiya xizmati agentligi xabar berdi.
"Bugun va bayram kunlari O`zbekiston hududining katta qismida quruq va iliq ob-havo saqlanib turadi, faqat Toshkent viloyati va Farg`ona vodiysi viloyatlarining ayrim joylarida 30 sentyabrda biroz yomg`ir yog`ishi mumkin",– deyiladi xabarda.
Harorat asosan kechalari 10-15 gradus , kunduz kunlari 23-28 gradus bo`ladi.
29-30 sentyabr kunlari respublikaning ba`zi joylarida shamol tezligi 13-18 m/s gacha kuchayishi, ayrim joylarda chang-to`zon bilan kuzatilishi mumkin.
Toshkentda: havo biroz bulutli bo`ladi, vaqti-vaqti bilan o`zgarib turadi, yog`ingarchilik kutilmaydi, faqat 30 sentyabr shanba kuni kechasi va ertalab biroz yomg`ir yog`ishi mumkin. Shamol asosan sharqdan 3-8 m/s tezlikda esadi, 30 sentyabrda 10-12 m/s gacha kuchayadi. Harorat kechasi 12-15gradus, kunduzi 23-26gradus bo`ladi.
