Qorasaroy mahallasidan oqib o`tuvchi suv bo`yiga qurilish chiqindilari to`kkan holat kuzatuv kamerasi tasviriga tushdi.
Toshkent viloyati Ekologiya boshqarmasi xodimlari tomonidan tezkor ekologik surishtiruv ishlari natijasida Davlat raqami 10 D 781 LA bo`lgan Zil rusumli yuk avtotransportida joriy yilning 15 sentyabr kuni Toshkent tumani, Qorasaroy MFY, Istiqolol ko`chasida yashovchi fuqaro A.T. tomonidan sodir etilganligi aniqlandi, deya xabar bermoqda Toshkent viloyati Ekologiya boshqarmasi matbuot xizmati rahbari.
Ushbu holat yuzasidan huquqbuzarga nisbatan joriy yilning 7 sentyabr kuni MJtKning 91¹-moddasi, 3-qismi bilan dalolotnoma tuzilgan hamda bazaviy hisoblash miqdorining besh barobarida jarima qo`llanilgan edi.
Oradan 8 kun o`tib, fuqaro A.T. tomonidan yana qayta huquqbuzarlik sodir etgan.
Huquqbuzarga nisbatan MJtKning 91¹-moddasi 4-qismi bilan ushbu moddaning uchinchi qismida nazarda tutilgan huquqbuzarlik ma`muriy jazo qo`llanilgandan keyin 1 yil davomida qayta sodir etilgan bo`lsa ma`muriy huquqbuzarlik ashyolari musodara qilinadi.
Bugungi kunda transport vositasi vaqtincha saqlash uchun jarima maydonchasiga qo`yilib, musodara etilishi yuzasidan hujjatlar to`planib sudga da`vo arizasi kiritilmoqda, deyiladi xabarda.
