O`zbekistonda 15 yildan buyon qidiruvda bo`lgan shaxs Qozog`istonning Olmaota shahrida qo`lga olindi. Bu haqda Qozog`iston ichki ishlar vazirligi matbuot xizmati xabar berdi.
Qayd etilishicha, Olmaotada 41 yoshli qidiruvdagi shaxs migrasiya xizmati xodimlari va shahar polisiyasi tomonidan hibsga olingan.
"Xususan, ‘Qidiruv – MDH’ tezkor-profilaktik tadbiri davomida jinoyatchilar aniqlandi. 1982 yilda tug`ilgan O`zbekiston fuqarosi R. 2008 yilda O`zbekiston Ichki ishlar vazirligi Surxondaryo viloyati Ichki ishlar boshqarmasi tomonidan davlatlararo qidiruvga berilgan edi. Qo`lga olingan shaxs vaqtinchalik saqlash hibsxonasiga joylashtirildi. Uni vataniga ekstradisiya qilish masalasi hal qilinmoqda", – deydi shahar polisiya departamenti vakili.
