Bojxonachilar giyohvandlik vositasini ichki a`zosiga yashirib olib o`tmochi bo`lgan shaxsni qo`lga oldi, deya xabar bermoqda Bojxona Axborot xizmati.
Toshkent viloyati bojxona boshqarmasi "Oybek" chegara bojxona posti xodimlari tomonidan xorij fuqarosi (erkak) "Body ssaner" qurilmasi yordamida bojxona nazoratidan o`tkazildi.
Natijada, ushbu shaxs 8 dona o`ramdagi 376,5 gr. "opiy" giyohvandlik vositasini ichki a`zosiga yashirib, O`zbekistonga olib kirmoqchi bo`lganligi aniqlandi.
Hozirda ushbu holat yuzasidan bojxona organlari tomonidan tergov harakatlari davom ettirilmoqda.
