Armaniston hukumati Qorabog`dan 3 mingga yaqin armanning evakuasiya qilinishini e`lon qildi. Bundan tashqari, rasmiylar Qorabog` bilan chegarada, Kornidzor nuqtasida evakuasiya qilinganlar uchun gumanitar markaz yaratdilar.
“25 sentyabr kuni soat 6:00 holatiga ko`ra, Qorabog`dan Armanistonga 2906 nafar majburiy ko`chirilganlar kirib kelgan”, — deyiladi hukumat matbuot xizmati xabarida.
Rossiya tinchlikparvar kuchlari Qorabog`ning yana 2 ming aholisini evakuasiya qildi, bu haqda 20 sentyabr kuni Rossiya Mudofaa vazirligi xabar berdi. 1 mingga yaqin evakuasiya qilinganlar bolalardir. Barcha evakuasiya qilinganlar vaqtinchalik yashash joylarida.
Ozarbayjon prezidentining maxsus topshiriqlar bo`yicha vakili Elchin Amirbekovning aytishicha, Qorabog`da yashovchi armanlarning taqdiri Ozarbayjonning ichki ishi. Shu bilan birga, u arman aholisini vataniga qaytarish haqida gap yo`qligini ta`kidladi. Bosh vazir Nikol Pashinyan Armaniston Qorabog` armanlarining mintaqada hayoti imkonsiz bo`lib qolsa, ularni qabul qilishga va`da berdi.
Eslatib o`tamiz, 19 sentyabr kuni Ozarbayjon Qorabog`da “mahalliy aksilterror choralari” boshlanganini e`lon qildi. 20 sentyabr kuni kechqurun Ozarbayjon prezidenti Ilhom Aliev “aksilterror operasiyasi” yakunlanganini e`lon qildi, chunki uning barcha vazifalari 24 soat ichida bajarildi.
Qorabog`dagi inson huquqlari bo`yicha komissari Gegam Stepanyan ma`lum qilishicha, bir necha kun davom etgan janglar natijasida kamida 200 kishi halok bo`lgan, 400 nafari yaralangan.
