So`ngi vaqtlarda metrodan foydalanuvchi yo`lovchilar soni keskin ortishi bilan yo`lovchilar tomonidan bir qancha tartib buzarliklar holatlari yuzaga kelmoqda. Bu haqda “Toshkent metropoliten“ DUK xabar berdi.
Unga ko`ra, 15 kun davomida 3 marotaba yo`lovchilar poezd yo`liga o`z boshimchalik qilib tushishgan va bekatda faoliyat olib boruvchi xodimlar tomonidan zudlik bilan ushbu yo`lovchilar xavfsiz tarzda platformaga olib chiqilgan. Yo`lovchilar tomonidan esa bunga sabab sifatida, shaxsiy buyumlari poezd yo`liga tushib ketgani va uni olish maqsadida tushgani ko`rsatilgan.
“Shu o`rinda shuni alohida ta`kidlash joizki, metro yo`lida inson hayoti uchun xavfli hattoki o`lim darajasiga olib boruvchi yuqori kuchlanishdagi (825 Volt) elektr toki mavjud. (Ma`lumot o`rnida, 42 Volt kuchlanishdagi elektr toki inson hayoti uchun xavfli hisoblanadi.)
Shu sababli metrodan foydalanish vaqtida hushyor va sergak bo`ling. Agarda bu kabi holatlarga duch kelsangiz zudlik bilan bekat platformasida faoliyat olib boruvchi xodimlarga murojaat qilishingiz lozimligi eslatib o`tamiz“, deyiladi xabarda.
