"O`zgidromet" dam olish kunlari kutilayotgan ob-havo ma`lumotini e`lon qildi.
Ma`lum qilinishicha, bugun Volga bo`yi hududidan nam havo massalari kirib kelishi hisobiga respublika hududi bo`yicha nisbatan salqin havo bo`lishi kutilmoqda. O`zbekistonda kam bulutli va quruq havo bo`ladi, kunduzgi harorat 23-28 darajani tashkil etadi.
Dam olish kunlari ushbu ob-havo sharoiti saqlanib turadi. Salqin havo massasi asta-sekin sharqqa tomon siljiydi. Dam olish kunlari havo harorati kechalari 11-16 darajani tashkil etadi, kunduz kunlari 25-30 darajagacha isiydi.
Poytaxtimizda: bugun yog`ingarchilik kutimaydi, kunduzgi harorat 23-25 darajani tashkil etadi.
Dam olish kunlari yog`ingarchilik kutilmaydi, harorat kechalari 12-14o, kunduz kunlari 25-27 daraja bo`ladi.
