Surxondaryo viloyati bojxona boshqarmasi “Boldir” temir yo`l chegara bojxona postiga qo`shni davlatdan kirib kelgan temir yo`l poezdi tarkibidagi vagonlardan biri belgilangan tartibda bojxona nazoratida o`tkazildi.
Natijada, ushbu vagonda yuk kuzatuv hujjatlarida ko`rsatilmagan, aksiz markalari mavjud bo`lmagan va bojxona nazoratidan yashirilgan umumiy qiymati 12 mlrd. 771 mln. so`mlik 851 460 quti “Esse Change” nomli sigaret mahsulotlari borligi aniqlandi. Bu haqda viloyat bojxona boshqarmasi xabar berdi.
Ma`lum qilinishicha,ozirda mazkur holat yuzasidan bojxona organlari tomonidan tekshiruv harakatlari olib borilmoqda.
