Avvlroq, Turizm qo`mitasi huzuridagi “Milliy PR-markazi” davlat unitar korxonasi direktori D.Samandarovaning tadbirkorlik faoliyati bilan shug`ullanayotganligi haqida xabar qilingan edi.
Holatga Turizm qo`mitasi munosabat bildirdi.
Ma`lum qilinishicha, mazkur holat yuzasidan joriy yilning 20 sentyabr kuni O`zbekiston Respublikasi korrupsiyaga qarshi kurashish agentligi tomonidan kelib tushgan taqdimnomaga binoan, Turizm qo`mitasi huzuridagi “Milliy PR-markazi” DUK direktori D. Samandarovaning “Avtoimkon Trade” MChJ ta`sischiligidagi faoliyatini tugatish, tadbirkorlik faoliyati bilan shug`ullanmaslik va kelgusida shu kabi holatlarga yo`l qo`ymaslik haqida rasman ogohlantirish o`tkazish va tushuntirish ishlari olib borish choralarini ko`rish so`ralgan.
Yuqorida keltirilgan taqdimnomaga binoan Qo`mitaning ishchi guruhi tuzilib, xizmat tekshiruvi olib borilmoqda.
Qo`mita ushbu holatni alohida nazoratga olganligini hamda tekshiruv natijasi yuzasidan Korrupsiyaga qarshi kurashish agentligiga belgilangan muddatlarda axborot taqdim etilishini ma`lum qiladi.
