Toshkent viloyati bojxona boshqarmasi "Yangiyo`l" TIF bojxona posti xodimlari tomonidan qo`shni davlat orqali xorijdan O`zbekistondagi MChJlardan birining nomiga olib kelingan yuklar bojxona nazoratidan o`tkazilgan.
Natijada Respublika hududiga olib kirish taqiqlangan qiymati 1 mlrd so`mga teng bo`lgan 2 dona "Chiller modeli 10HP*1set LDHCW010D R2" nomli kondisionerlar borligi aniqlangan.
Ta`kidlanishicha, mazkur tovarlar tarkibida respublika hududiga olib kirish taqiqlangan ozon qatlami uchun xavfli bo`lgan freon moddasi bor bo`lgan.
Hozirda yuqoridagi holatlar yuzasidan bojxona organlari tomonidan surishtiruv harakatlari davom etmoqda
