IIV Axborot xizmatining xabar qilishicha, Termiz tumani “Qoraxon” mahallasida yashovchi O.X. ismli qiz Termiz shahri “Navro`z” mahallasida yashovchi Sh.P. ismli yigit bilan bilan tanishib, biroz muddat ishqiy munosabatda bo`ladi.
Shundan so`ng, yigit mazkur qiz bilan ishqiy munosabatda bo`lib kelgan yalang`och holatdagi foto va videotasvirlarini ijtimoiy tarmoqlarga chiqarib yuborishini aytib, O.X.ni qo`rqita boshlaydi. Yigit qizdan video va fotolarni tarqatmaslik evaziga 1,5 mln so`m miqdorida pul talab qilgan.
O.X.ning arizasiga asosan viloyat IIB Tezkor-qidiruv xizmati Jinoyat qidiruv boshqarmasi xodimlari tomonidan Termiz shahri “Kattabog`” mahallasi hududida joylashgan supermarket oldida o`tkazilgan tezkor tadbirda Sh.P. O.X.dan 1,5 mln so`m pullarni olgan vaqtida, ashyoviy dalillar bilan ushlandi.
Sh.P.ga nisbatan JKning 165-moddasi 1-qismi bilan jinoyat ishi qo`zg`atildi.
