Бироз аввал, Самарқандда 4-қават деразасидан тушиб кетган ёш қизалоқ 4 нафар 11-синф ўқувчилари томонидан қутқариб қолингани ҳақида хабар берган эдик.
Ёшлар ишлари агентлиги раҳбари Алишер Садуллаевнинг Telegram-каналида ёзишича, йигитлар агентлик томонидан тақдирланган.
“Қаҳрамонлик кўрсатган укаларимизга жамоамиз номидан 4 та ноутбук ва ўқишга киришда қўшимча дарслар ҳамда хорижий тилларни ўрганишдаги харажатларини қоплаб берадиган бўлдик”, — деб ёзади Алишер Садуллаев.
Шунингдек, Самарқанд вилоят Мактагача ва мактаб таълими бошқармаси раҳбари улар билан учрашиб, ташаккурномалар топширди.
