Polshalik arxeologlar Slomniki shahridagi shahar maydonini rekonstruksiya qilish jarayonida hayratlanarli kashfiyot qilishdi. Ular taxminan 7000 yil avval, neolit davrida yashagan odamning yaxshi saqlangan skeletini topishdi.
Aytishlaricha, skeletning ajoyib saqlanishi dafn qilish sharoitlari bilan bog`liq. Odam kislotali bo`lmagan kimyoviy tarkibga ega bo`sh tuproqqa ko`milgan, bu qoldiqlarning yaxlitligini saqlashga yordam bergan. Dafn etilgan shaxsning aniq "shaxsi" noma`lumligicha qolsa-da, olimlar skelet xronologiyasi va hayoti haqida aniqroq tasavvurga ega bo`lish uchun keyingi tahlillarni, jumladan, antropologik tadqiqotlar va radiokarbonlarni aniqlashni o`tkazish niyatida.
Bu kashfiyot miloddan avvalgi 6 ming yillikda janubdan ko`chib, Karpat tog`larini kesib o`tgan va Polshada qo`nim topgan ilk neolit dehqonlariga oydinlik kiritadi, deyishmoqda olimlar.
