O`zbekistonda siyosiy partiyalarga prezident saylovlarida qatnashish uchun guvohnomalar berildi. Bu haqda Markaziy saylov komissiyasi Matbuot xizmati xabar berdi.
Markaziy saylov komissiyasining O`zbekiston Prezidenti sayloviga bag`ishlangan navbatdagi majlisi bo`lib o`tdi. Yig`ilishdan so`ng siyosiy partiyalarga saylovda ishtirok etishga ijozat berilganligi to`g`risidagi guvohnoma hamda belgilangan namunadagi imzo varaqalari blankalari partiyalarning vakolatli vakillariga topshirildi.
Eslatib o`tamiz, O`zbekiston Prezidenti saylovi muddatidan oldin o`tkazilmoqda. Saylov 2023 yil 9 iyul kuni bo`lib o`tadi.
